Қазақстандық боксшылардың әлем чемпионатындағы қарсыластары анықталды

Сербияның Ниш қаласында өтіп жатқан әйелдер арасындағы әлем чемпионатында қазақстандық боксшылардың финалдағы қарсыластары анықталды. 

Дүниежүзілік додада қазақстандық Назым Қызайбай (48 келі), Алуа Балқыбекова (50 келі), Виктория Графеева (60 келі), Аида Абикеева (63 келі) және Елдана Тәліпова (81 келіден жоғары) алтынға таласады.  

48 келі. Назым Қызайбай - Юлия Чумгалакова (Ресей)

50 келі. Алуа Балқыбекова - Ху Мэйи (Қытай)

60 келі. Виктория Графеева - Нуне Асатрян (Ресей)

63 келі. Аида Әбікеева - Тананья Сомнуек (Таиланд)

81 келіден жоғары. Елдана Тәліпова - Илян Чжан (Қытай).

Әлем чемпионатына ел құрамасында 12 боксшы аттанған еді. Олардың арасынан жарыстың түрлі сатысында Анита Адишева (52 келі), Жайна Шекербекова (54 келі), Карина Ибрагимова (57 келі), Жасмин Қизатова (66 келі), Наталья Богданова (70 келі), Надежда Рябец (75 келі), Гүлсая Ержан (81 келі) қарсыластарына есе жіберіп қойды.