Футболдан Қазақстан құрамасы екі мәрте жеңіске жетті

Футболдан Қазақстан құрамасы екі жолдастық кездесуде жеңіске жетті.

Қазақстандық футболшылар Түркияда 2026 жылғы әлем чемпионаты іріктеу кезеңіндегі алдағы ойынына дайындық жасап жатыр. Оқу-жаттығу жиыны барысында екі жолдастық кездесу өткізіп үлгерді. 

Екінші ойында Ресейдің «Зенит» командасы жастар құрамын 1:0 есебімен тізе бүктірді. Кездесу барысында қазақстандық футболшылар жақсы ойын өрнегін көрсетті. 

Бірінші жолдастық кездесуде олар Швецияның бірінші лигада ойнайтын командасын 2:1 есебімен тізе бүктірді.

Ел құрамасы енді әлем чемпионаты іріктеу кезеңінде Уэльс (22 наурыз) және Лихтенштейн (25 наурыз) құрамаларымен ойнайды. 

Ел құрамасы 2026 жылғы Әлем чемпионатына іріктеу кезеңінде J тобында ойын көрсетеді. Қарсыластары - Бельгмя, Уэльс, Солтүстік Македония және Лихтенштейн.

Матчтар 2025 жылдың наурызында басталып, қараша айында аяқталады.