Стюарт Джон: Қазақстанда білікті бапкерлер жеткіліксіз

Қазақстан ұлттық академиясының ФИФА техникалық кеңесшісі Стюарт Джон Холл ҚФФ баспасөз қызметіне берген сұхбатында ел футболының кемшін тұстарына тоқталды.

Сіз Қазақстанда жұмыс істеп жүргеніңізге бір жылдан асты. Осы уақыт ішінде қандай қорытынды жасадыңыз және Қазақстандағы жастар футболының болашағы туралы ойыңыз қандай?

– Біздің жоба 17 тамызда басталды, яғни қазір жұмыс істеп жатқанына алты айдан асты. Алғашқы ай ойыншылар үшін қиын болды, өйткені олар жаңа мектепке, жаңа физикалық және психологиялық талаптарға және достарынан, отбасынан алыс жаңа ортаға бейімделуі керек еді.

Қазақстандай үлкен елде футболшылардың бір жерде тұрақты жаттығуы – сапалы дайындық үшін жалғыз тиімді әдіс. QJ League – U18/17/16 санатындағы ойыншылар үшін жақсы жарыс, бірақ 7, 8, 9 және 10 жастағы балалар және қыздармен жұмыс істеу қажет.

Көп жағдайда негізгі жұмыс деңгейі қанағаттанарлық емес және түбегейлі өзгерістерді қажет етеді. Көптеген жаттығуларда ойыншылар саны нормадан асады, білікті бапкерлер жеткіліксіз, балалар доппен жұмыс істеуге аз уақыт бөледі, сондай-ақ жаттығу жағдайлары қиындық тудырады, - деді ол.