18 сағат бұрын
Ғабит Сыздықбеков: Клод Макелеле «Ордабасыны» баптағысы келген
Қанат Байұзақов
Шымкент қаласының әкімі Ғабит Сыздықбеков маусым алдында бас бапкерді таңдау жайлы пікірін айтты:
— Андрей Мартин — өте мықты бапкер. Шын мәнінде, Клод Макелеле «Ордабасының» бас бапкері болғысы келді және оған дайын да болды. Барлығы келісілген еді, бірақ соңында мен бас тарттым. Маған аты бар, бірақ ісі жоқ адам не үшін керек? — деді Сыздықбеков.
Айта кетейік, Клод Макелеле ойыншы ретінде «Реал», «ПСЖ», «Челси» сынды атақты клубтарда доп тепкен. Ал бас бапкер ретінде 2014 жылы «Бастия» (Франция), 2017-2019 жылдар аралығында «Эйпен» (Бельгия) және 2024 жылдың қыркүйегінде Грекияның «Астерас» ұжымын үш апта ғана тізгіндеген.
