6 сағат бұрын
ҚФФ телекөрсетілім сапасын қашан жөндейді?
Фото: m.sports.ru
Қазақстандық жанкүйерлер Қазақстан кубогындағы тікелей көрсетілім сапасына шағымданып жатыр.
Еліміздегі белгілі спорт парақшасында «Ертіс» пен «Шахтер» арасындағы кездесудің телекөрсетілімі сынға алынған. Сол сәтте оның сапасында іркіліс пайда болып, жанкүйерлер ойынның сапасыз көрсетілгеніне куә болды.
Өткен жылы мұндай міндетті Кәсіпқой футбол лигасы атқарған еді. Ол кезде де қазақстандық жанкүйерлер сапасыз телекөрсетілім жайында жиі жазды.
Жыл соңында сайланған Қазақстан футбол федерациясы президентінің жаңа командасы бұл мәселені дұрыс шешеміз деп үйіп-төгіп уәде берген еді. Алайда одан әзірге нәтиже болар емес. Бұл қашанға дейін жалғасады? Қазақстандық жанкүйерлер өзге елдердегі секілді сапалы дүниені қашан көре алады? Қыруар қаржы жұмсалған жұмыс неге осылай нәтижесін бермей тұр? Әлде бұл іс қолымыздан келмей ме?
