«Атырау» қатарын болгариялық шабуылшымен толықтырды

Цветелин Чунчуков «Атырау» футбол клубының ойыншысы атанды.

Бұл туралы атыраулық клуб әлеуметтік желісінде мәлім етті.

Пазарджик өлкесінің тумасы футбол әліппесін жергілікті «Бенковски» және софиялық «Левски» клубтарында үйренген.

Кәсіби мансабында болгариялық «Ботев», «Раковски», «Лудогорец», «Славия», және «Черно Море» клубтарында ойнап, екі мәрте Болгария чемпионы атанып, бір рет Ел Кубогын жеңді. Сондай-ақ Румынияның «Академика», «Сепси», «Киндия» және «Стяуа» сынды ұжымдарында доп теуіп, Румыния Кубогын иеленді. Болгария жастар және ұлттық құрамаларының намысын қорғаған.

Еске салсақ, «мұнайшылар» Қазақстан Премьер-лигасының биылғы маусымында 2 ойында 3 ұпай еншілеп, 7-орында келеді.