Ұлттық құрамадағы жаңа көшбасшы: Қазақстан футболшыларының бағасы өзгерді

Transfermarkt порталы Қазақстан құрамасы мен Стамбұлдың «Бешікташ» клубының жартылай қорғаушысы Бақтиер Зайнутдиновтің нарықтық құнын жаңартты, деп хабарлайды Sport12.kz.

Жаңа бағалауға сәйкес, қазақстандық футболшының құны 400 мың еуроға төмендеп, 3,3 миллион еуроны құрады. 2024 жылдың желтоқсанында бұл көрсеткіш 3,7 миллион еуро болған.

Зайнутдиновтің ең жоғарғы нарықтық құны 2023 жылы тіркелді. Oл кезде Transfermarkt оны 6,5 миллион еуроға бағалаған.

Осылайша, Ресейдің «Зенит» клубының қорғаушысы Нұралы Әліп 3,5 миллион еуромен бірінші орынға шықты. Дәл қазіргі сәтте Бактиер Зайнутдинов ақпан айынан бері жарақатына байланысты командасына көмектесе алмаса, Нұралы Әліп алдағы Әлем чемпионатының іріктеу ойынына қатысады.