Лихтенштейн бас бапкері: Қазақстанның ойынын зерттедік

Қазақстан құрамасына қарсы матч алдында Лихтенштейн бас бапкері Конрад Фюнфштюк командасының дайындығы туралы айтты, деп хабарлайды Sport12.kz

«Демалуға көп уақыт болмады, бірақ біз оны тиімді пайдалана білдік. Солтүстік Македонияға қарсы өткен ойынды талдап, белгілі бір сәттерді қарастырдық, қай жерлер сәтті шықты, ал қайсысы – аса емес, соны бағаладық. Кейін Қазақстанға назар аударып, олардың мықты жақтарын зерттеп, ойын сапасын сараладық. Тактикалық және кәсіби тәсілден бөлек, ойыншыларға физикалық қалпына келуіне уақыт беруге тырыстық. Сондықтан жігіттер жақсы дайындалған және демалған деп есептеймін, ертеңгі ойында лайықты өнер көрсетеді», – деді Фюнфштюк Meta-ratings.kz басылымына берген сұхбатында.

Айта кетейік, Лихтенштейн - Қазақстан матчы 26 наурызға қараған түні Астана уақытымен 00:45-те басталады.