3 күн бұрын
Қазақстан құрамасы Беларусьпен жолдастық кездесу өткізеді
Футболдан Қазақстан ұлттық құрамасы 6 маусымда Беларусь құрамасымен жолдастық кездесу өткізеді.
Бұл жөнінде «Ухо» телеграм арнасы мәлім етті.
Кездесу Беларусь астанасы Минск қаласында өтеді деп жоспарланып отыр. Үш күннен кейін қазақстандық футболшылар 2026 жылғы әлем чемпионаты іріктеу кезеңінде Солтүстік Македония құрамасымен кездеседі.
Екі құрама бұған дейін жеті мәрте жолдастық кездесу өткізді. Оның біреуінде қазақстандық футболшылар жеңіске жетсе, екі кездесу тең аяқталып, қалғанында қарсыласына есе жіберді.
