4 күн бұрын
EURO-2025: Қазақстан қыздар құрамасы іріктеу кезеңіне қатысады
Фото: ҚФФ
Футболдан Қазақстан 19 жасқа дейін қыздар құрамасы 2025 жылғы Еуропа чемпионаты іріктеу кезеңіне қатысады.
Ел құрамасы В лигасының 3-тобында Косово, Латвия мен Мальта құрамаларымен ойнайды.
Алдымен олар 1 сәуірде Латвиямен ойнаса, 4 сәуірде Косово, 7 сәуірде Мальтамен шеберлік байқасады.
Әрбір топта бірінші орын алған құрамалар алдағы маусымда А лигасында бақ сынайды. Сондай-ақ олар Польшада өтетін финалдық кезеңге қатысады.
Қазақстандық футболшылар бірінші іріктеу кезеңінде Румыния, Лватиямен 0:0 есебімен тең ойнаса, Лихтенштейннен 7:0 есебімен басым түсті.
