«Барселона» эль-класикоға арнайы жейдемен шығады

Каталониялық «Барселона» мамыр айында өтетін Эль Класикода ерекше дизайндағы жейдемен алаңға шығуы мүмкін.

Mundo Deportivo мәліметінше, клуб жейдеге әлемдік жұлдыздардың логотипін орналастыру туралы келіссөздер жүргізген, ал фаворит ретінде америкалық әнші Тейлор Свифт қарастырылып отыр.

Бұл бастама «Барселонаның» демеушісі Spotify-мен серіктестігі аясында жүзеге асуда. Бұған дейін клубтың жейдесінде Дрейк пен The Rolling Stones логотиптері пайда болған еді. Сондай-ақ, Эд Ширан мен Трэвис Скоттың да кандидаттар қатарында болғаны хабарланды.

Келісім соңғы кезеңге жетіп, жақын арада ресми түрде жариялануы мүмкін. Егер Тейлор Свифт таңдаулы нұсқа ретінде бекітілсе, оның логотипі «Барселонаның» әйгілі көк-жасыл жейдесінде көрініс табады.

Райан ТҰРСЫНБЕК