Асхат Тағыберген «Ордабасы» клубынан кетті

Футболдан Қазақстан ұлттық құрамасының капитаны Асхат Тағыберген «Ордабасы» клубымен қош айтысты.

Клубтың баспасөз қызметінің ресми ақпаратына сәйкес, келісімшарт қос тараптың шешімі бойынша бұзылды.

Тағыберген шымкенттік клуб сапына 2023 жылдың ақпан айында қосылды. Осы аралықта 34 жастағы жартылай қорғаушы 67 матч өткізіп, 17 гол соғып, әріптестеріне 25 нәтижелі пас берді.

Жергілікті БАҚ көздері Асхат Тағыбергеннің «Тобылға» ауысатыны туралы жарыса жазуда. Қостанайлық ұжым ойыншыға таңсық емес. Асхат бұл клубтың жейдесінде 2017 және 2021-2022 жылдары доп тепті. Осы уақыт ішінде ол 76 матчта 16 гол соғып, Қазақстан Премьер-лигасы мен Суперкубогын жеңіп алды.

Айта кетейік, Қазақстан Премьер-лигасындағы трансферлік кезең 4 сәуір жабылады.