ҚПЛ: Томасовтың хет-тригі «Астанаға» жеңіс сыйлады

Футболдан Қазақстан Премьер-лигасының 3-туры аясында «Астана» өз алаңында «Жетісуды» қабылдады.

«Астана Аренада» өткен кездесуде алаң иелері айқын басымдылық танытты. Команданың капитаны әрі бас мергені Марин Томасов бұл ойында қарсылас қақпасына жауапсыз үш бірдей гол соқты. Хорватиялық жартылай қорғаушы матчтың 14', 45' және 63' минуттарында Кавлинов қорғаған қақпаның торын тулатты. Қорытынды есеп: 3:0 – «Астананың» пайдасына.

Турнир кестесіндегі жағдайға зер салсақ, «Астана» жетінші ұпайын олжалап, «Ақтөбемен» бірге екінші орында келеді. Ал маусымдағы бірінші жеңілісіне ұшыраған «Жетісу» алғашқы екі турда иеленген 2 ұпайымен он үшінші сатыға орналасқан.

Енді келесі турда елордалық клуб «Ордабасымен» кездессе, Самат Смақов шәкірттері «Жеңісті» жеңуге тырысады.