Бақтиер Зайнутдинов Әлем чемпионымен бір клубта ойнауы мүмкін

Франция құрамасы мен «Әл-Иттихад» клубының жартылай қорғаушысы Нголо Канте мансабын Еуропада жалғастыруы мүмкін.

Бұл туралы франциялық танымал Foot Mercato басылымы инсайдтық ақпарат таратты.

Дереккөзге сүйенсек, тіс қаққан хавбекке Түркия Суперлигасынан ұсыныс түскелі жатыр. Нақтырақ айтсақ, Канте ыстамбұлдық «Бешикташтың» назарына іліккен.

2018 жылы Ресейде өткен Әлем чемпионатының жеңімпазы бүгінде Сауд Арабия лигасында доп тебеді. Кантенің «Әл-Иттихадпен» келісімшарты 2026 жылдың ортасына дейін есептелген. Келісімдегі талаптарға сәйкес, ойыншының жылдық жалақысы 100 миллион еуроны құрайды.

Айта кетейік, отандасымыз Бақтиер Зайнутдинов 2023 жылдың тамыз айынан бері «Бешикташ» намысын қорғап келеді.