Ұлттық құраманың футболшысы Бельгиядан келген ұсыныс жайлы шындықты айтты

Қазақстан ұлттық құрамасы мен «Елімай» футбол клубының қорғаушысы Әділбек Жұмаханов Бельгиядан түскен ұсыныс туралы шындықты айтты, деп хабарлайды Sport12.kz

«Белгиядан келген ұсынысқа қатысты айтарым бар. Сол кездегі «Атырау» футбол клубының бұрынғы басшысы Әлішер Апсалямов маған ұсынысты көрсеткен. Бұл белгиялық «Кортрейк» командасының қызығушылы туралы қағаз болды, бірақ келісімшарт емес. Сол кезде бүкіл Қазақстан шулап кеткені есімде. Қазір толыққанды ақпарат беретін кез келді. Бұл нақты ұсыныс болған жоқ, келісімшарт болғанда, мен басқаша шешім қабылдар едім. Менің шетелдік чемпионатқа кетуге деген ниетім әлі де бар», — деді Әділбек Sport+ арнасына берген сұхбатында. 

Әділбек Жұмаханов Атырау футболының түлегі. Футболшы қызылордалық «Қайсар» сапында өнер көрсеткен. Ол ұлттық құрама сапына былтырдан бастап шақырылып жүр. Бұған дейін 21 жасқа дейінгі құрамада өнер көрсеткен.