Қазақстан чемпионатында ойнаған футболшы айына қанша қаражат жұмсайтынын айтты

Серб шабуылшысы Джордже Деспотович Sport24 басылымына берген сұхбатында ай сайын 300 еуромен өмір сүре аламын дейтін футболшыларға сенбейтінін айтты, деп хабарлайды Sport12.kz.

— Ресейлік футболшылар арасында жаңа тренд пайда болды: айына 300 еуромен өмір сүре аламыз деу сәнге айналды.

— Өтірік. Мұндай сөздерді өмірде бәрін жұмсап қойған адамдар ғана айтуы мүмкін. Әрине, жүз еуромен де күн көруге болады. Бірақ белгілі бір деңгейге жетіп алып, кейін 300 еуро жеткілікті деп айту — бұл шындыққа жанаспайды.

— Саған айына қанша қажет?

— Қазіргі таңда мен айына 1,5–2 миллион рубль жұмсаймын. Еуромен есептегенде бұл кем дегенде 10 мың, кейде одан да көп болады.

Еске сала кетсек, Джордже Деспотович бірнеше жыл Қазақстан чемпионатында ойнаған: ол «Жетісу», «Қайрат», «Астана» және «Тобыл» клубтарының намысын қорғады. «Астана» сапында серб шабуылшысы екі рет Қазақстан чемпионы атанған.