1 сағат бұрын
Ұлттар лигасы: Қазақстан әйелдер құрамасы алғашқы жеңісіне қол жеткізді

Фото: Қазақстан футбол федерациясы
Футболдан әйелдер арасындағы Ұлттар лигасының 3-туры аясында Қазақстан құрамасы Лихтенштейнді ірі есеппен тізе бүктірді.
Эшен қаласындағы «Шпортпарк Эшен-Маурен» стадионында өткен кездесуде қазақстандық футболшы қыздар алаң иелерін 4:0 есебімен ойсырата жеңді.
Ұлттар лигасы. С тобы, 3-тур.
Лихтенштейн (Ә) – Қазақстан (Ә) – 0:4
Голдар: 5' Нұрышева (0:1), 26' Берікова (0:2), 36' Нұрышева (0:3), 90+5' Бибосынова (0:4).
Осылайша, ел құрамасы турнирдегі 4-ші ұпайын олжалап, өз тобында үшінші сатыға жайғасты. Бұған дейін отандастарымыз Люксембургпен (2:2) тең түсіп, Арменияға (0:2) есе жіберген еді.
Енді Айтпай Жамантаев пен Мадияр Кембілов жаттықтыратын ұлттық құрама келесі ойынды өз алаңында, Арменияға қарсы өткізеді. Бұл кездесу 8 сәуір, сағат 18:00-ге жоспарланған.
