22 сағат бұрын
«Ақтөбе» футбол клубы жаңа ойыншысын таныстырды
Азамат Бақи
Фото: «Ақтөбе» ФК
«Ақтөбе» қатары қазақстандық ойыншы Данияр Үсеновпен толықты.
Клуб 24 жастағы жартылай қорғаушыны қостанайлық «Тобылдан» маусым соңына дейін жалға алды. Үсенов жаңа клубында 29-шы нөмірлі жейдеде ойын көрсететін болады.
Данияр Үсенов – алматылық «Қайрат» футбол клубының түлегі. Мансабында одан бөлек «Каспий» мен «Жетісу» сынды клубтардың намысын қорғаған. 2020-2022 жылдары Қазақстан жастар құрамасының қатарында болған.
Айта кетейік, Игорь Леонов шәкірттері бүгін, 6 сәуірде Қазақстан Премьер-лигасының 4-туры аясында «Қайсармен» кездеседі.
