Бразевич пе, Чурчич пе? «Қызылжар» командада бас бапкер кім екенін айтты

«Қызылжар» командаға жаңа бас бапкер тағайындалатыны жөнінде ақпаратты жоққа шығарды. Бұл жөнінде әлеуметтік желідегі парақшасында мәлім етті.

- Желіде «Қызылжар» футбол командасының жаңа бас бапкері тағайындалды деген ақпарат таралуда. Анықтап айтқымыз келеді: қазіргі уақытта командамыздың бас бапкері - Александр Бразевич.

Командамызға қатысты ресми ақпаратты тек клубтың ресми дереккөздерінен алуды сұраймыз. Құрамдағы кез келген өзгерістер туралы біз өз сайтымызда және әлеуметтік желілердегі ресми парақшаларымызда уақтылы хабарлаймыз, - деп жазылған хабарламада.

Айта кетсек, бұдан бұрын командаға сербиялық Милич Чурчич Петропавлдың «Қызылжар» командасы бас бапкері қызметіне тағайындалуға жақын екені жазылған еді.