Алдағы Чемпиондар лигасына Англиядан бес клуб қатысады

Чемпиондар лигасының келесі маусымында АПЛ намысын кемі бес клуб қорғайды.

Кешегі «Арсеналдың» «Реал Мадридке» қарсы (3:0) жеңісінен кейін АПЛ-дің рейтингте ұпайы артып, ресми түрде Чемпиондар лигасының келесі маусымына бес клубы қатысатын болды.

Ал Германия клубтары бұл мүмкіндіктен қағылды. Енді қосымша бесінші жолдаманы Испания мен Италия ұжымдары сарапқа салады.

1. Англия – 24.535 ұпай
2. Испания – 21.678 ұпай
3. Италия – 20.187 ұпай
4. Германия – 17.921 ұпай
5. Португалия – 16.250 ұпай

Теория жүзінде Англия қарт құрлықтың басты доп додасына жеті клуб жіберуі де мүмкін. Ол үшін «Астон Вилла» Чемпиондар лигасында топ жарып, «Тоттенхэм» Еуропа лигасын жеңіп алуы керек. Сонымен қатар, бұл екі клуб АПЛ-дегі маусым қорытындысы бойынша үздік бестікке енбеуі тиіс. Сонда ғана Англия атынан Чемпиондар лигасында жеті команда сынға түседі.

Еске салсақ, биылғы АПЛ маусымының турнир кестесіндегі алғашқы бес орынға «Ливерпуль», «Арсенал», «Ноттингем Форест», «Челси» және «Ньюкасл» клубтары жайғасқан.