10.04.2025
Әділет Барменқұлов тергеуге қатысты мәлімдеме жасады
Фото. KazFootball.kz
ҚФФ-ның бұрынғы президенті Әділет Барменқұлов БАҚ-та жарияланған тергеуге қатысты хабарламалар жайында ресми мәлімдеме жасады, деп хабарлайды Sport12kz aақпарат агенттігі KazFootball.kz сайтына сілтеме жасап.
- ,Кейбір бұқаралық ақпарат құралында жалған мәлімет таралып жатқандықтан ресми мәлімдеме жасауды жөн көріп отырмын.
Бас прокуратура Қазақстан футбол федерациясы мен бірқатар футбол клубына тексеріс жүргізді. Соның нәтижесіне сай Қаржы мониторингі Агенттігі сотқа дейінгі тергеу жүргізіп жатыр.
Алдын ала тон пішіп, тағылған айып пен заң бұзушылықтарды менің атыммен байланыстыру негізсіз.
БАҚ пен түрлі блог авторларын, ақпарат агенттіктерін қоғамды жаңылыстырмай, болжам-жорамалдарыңызды таратпауды сұраймын.
Қажет болған жағдайда мен тек өз атымды ғана емес, Қазақстан футболын дамыту жолында атқарған жұмысымның нәтижесін де ашық қорғауға дайынмын.
Бүгінде кез келген деструктивті сөз менің абыройыма ғана емес, Халықаралық деңгейде еліміздің бүкіл спорт қауымдастығының беделіне нұқсан келтіреді.
Тергеу органдарының заң шеңберінде жұмыс істеп жатқанына сенімдімін. деді ҚФФ бұрынғы президенті.
