10.04.2025
Өзбекстанда жанкүйер стадионда көлікпен адамдарды басып кетпек болды
Өзбекстанда командасы жеңіліп қалғаны үшін көлік жүргізушісі адамдарды қағып кетуге әрекет жасады.
Бұл оқиға Самарқанд облысының Нұрабад ауданында болған. Мектеп стадионында жергілікті жанкүйердің командасы жеңіліп қалған. Ашуға булыққан ол Nexia көлігімен адамдарға қарсы жоғары жылдамдықпен жүрген. Дегенмен оқиға барысында ешкім жарақат алған жоқ. Полиция жүргізушіні ұстады, көлік айып тұрағына қойылды.
Жергілікті тұрғын бұл әрекетін ашуға булыққаннан жасағанын айтты.
