1 күн бұрын
Максим Самородов кезекті рет Ресей чемпионатында гол соқты
Қанат Байұзақов
Қазақстандық шабуылшы, «Ахмат» командасының ойыншысы Максим Самородов Ресей Премьер-Лигасының 24-туры аясында өткен «Ростовқа» қарсы ойында гол соқты, деп хабарлайды Sport12.kz.
Самородов 67-минутта көзге түсіп, командасының басымдығын арттырды. Бұған дейін, 51-минутта, «Ахмат» сапынан Надер Гандри пенальтиден есеп ашқан еді.
Осы матчқа дейін «Ахматтың» еншісінде 20 ұпай, ал «Ростовтың» 23 ұпайы болған. Максим Самородовтың «Ахмат» клубындағы көрсеткіштеріне келсек, ол осы уақытқа дейін грозныйлық команда сапында 23 матч өткізіп, 6 гол соқты және 2 нәтижелі пас берген.
