Александр Бразевич «Қызылжардың» бас бапкері қызметінен кетті

Бұл жөнінде петропавлдық клубтың баспасөз қызметі мәлім етті.

Хабарламада команда басшылығы Александр Бразевич пен оның көмекшісі Игорь Тарловскийге атқарған еңбегі мен команданың дамуына қосқан үлесі үшін алғыс білдірген.

Александр Бразевич командаға биыл қызметке келді. Қазірге дейін петропавлдық команда бірде-бір мәрте жеңіске жеткен жоқ. Екі мәрте тең түссе, екеуінде қарсыласына есе жіберді. Турнир кестесінде небәрі екі ұпаймен он бірінші орынды місе тұтып тұр.

.Белорустік маман литвалық «Таурас» және «Жальгирис», белорустік «Динамо-Брест, «Слуцк», «Смолевичи», «Торпедо» командаларында жұмыс атқарды.

Айта кетсек, оған дейін аталған қызметте болған Али Алиевпен келісімшарт мерзімінің аяқталуына байланысты келісім-шарт тоқтатылған еді.