Қазақстан кубогының фавориті кім?

Қазақстандық футболдың ардагері Юсуп Шадиев Қазақстан кубогының басты фавориттері туралы өз пікірін бөлісті.

— Қазіргі таңда мен үшін ел Кубогының басты фавориттері — «Қайрат» пен «Астана». Өткен маусымның соңында жақсы қарқын алған бұл командалар жанкүйерлерін тек нәтижемен ғана емес, ойын мәнерімен де қуанта білді. Әрине, бұл тек 1/8 финал кезеңі ғана өтті, алда әлі көп нәрсе өзгеруі мүмкін. Командалар өз мақсаттарына қарай басымдықтарын өзгертуі ғажап емес. Мүмкін, біреулер Кубоктан бас тартып, чемпионатқа көңіл бөлуі мүмкін. Дегенмен, қазіргі уақытта мен үшін басты фавориттер — «Қайрат» пен «Астана», — деді маман.

Айта кетейік, ширек финалдың ойындары 14 мамырда өтеді.