Чемпиондар лигасының матчында қызық жайт тіркелді

Чемпиондар лигасының ойынында қателікпен Еуропа лигасының әнұраны шырқалды.

Бұл жайт Чемпионлар лигасының 1/4 финалы аясында өткен «Астон Вилла» мен ПСЖ арасындағы ойында тіркелді.

Ұйымдастырушылар матч басталу алдында қателікпен Еуропа лигасының әнұранын қосып жіберді. «Вилла парк» қызметкерлерінің бұл қылығы ойыншылар мен жанкүйерлерді таңғалдырып, әлеуметтік желіде қызу талқыға түсті.

Бирмингемде өткен кездесуде алаң иелері «Астон Вилла» ПСЖ-ға тегеурінді қарсылық көрсетті. Унаи Эмери шәкірттері қарсыласты әбден әбігерге салып, Доннарума қорғаған қақпаның торын үш мәрте тулатты. Алайда, париждік клубтың қос қорғаушысы Ашраф Хакими мен Нуну Мендештің соққан голы команданы келесі кезеңге өткізді.

Ойын 3:2 есебімен «Астон Вилланың» пайдасына аяқталды. Бірақ, алғашқы ойында 3:1 есебімен басым түскен ПСЖ қос матчтың қорытындысы бойынша, жартылай финалға жолдама алды.