Елімізде жаңа футбол клубы құрылды

Қазақстан футбол федерациясының кәсіби клубтар арасындағы жарыстарды өткізу дирекциясының басшысы Бақытжан Пазылхайыр жаңа «Жайық» футбол клубы туралы айтты, деп хабарлайды Sport12.kz.

«Батыс Қазақстан облысының әкімдігі бұл бастаманы қолдап, "Жайық" командасы құрылды. Бүгінгі шешімге сәйкес, "Ақжайық" футболшылары осы жаңа командаға ауысады. Жалақы бойынша қарыздар өтеледі. Команда Қазақстанның Екінші лигасында өнер көрсететін болады. Жаңа клубқа сәттілік тілейміз», — деді Пазылхайыр «Nursultan Qurman» подкастында.

Еске сала кетейік, жыл басында Батыс Қазақстан облысы әкімдігі Бірінші лигада өнер көрсеткен «Ақжайық» клубының орнына жаңа футбол командасын құру шаралары басталғанын мәлімдеген болатын.