«Челси» еурокубокта сенсациялық жеңіліске ұшырады

Ағылшындық «Челси» мен Польшаның «Легия» командалары кездескен УЕФА Конференция лигасының 1/4 финалының қарымта кездесуі аяқталды, деп хабарлайды Sport12.kz.

Командалар Англияның Лондон қаласындағы «Стэмфорд Бридж» стадионында ойнады. Матчты Алехандро Эрнандес (Испания) бастаған төрешілер тобы басқарды. Қонақтар 2:1 есебімен жеңісті тойлады.

10-минутта «Легияның» шабуылшысы Томаш Пехарт пенальтиден есеп ашты. 33-минутта «Челсидің» қорғаушысы Марк Кукурелла вингер Джейдон Санчоның пасынан кейін таразы басын теңестірді. 53-минутта поляк қорғаушысы Стив Капуади бұрыштама добынан кейін командасын есепте алға шығарды.

Командалар арасындағы алғашқы ойын 10 сәуірде Польшада өтіп, «Челсидің» 3:0 есебімен жеңісімен аяқталды. Осылайша, екі матчтың қосындысындағы басымдықтың арқасында «Челси» Конференция лигасының жартылай финалына шықты.