Алдағы Чемпиондар лигасына Испаниядан бес клуб қатысады

Чемпиондар лигасының келесі маусымында Испания намысын бес клуб қорғайтын болды.

Еурокубокта «Барселона», «Бетис» және «Атлетиктің» жорығы жалғасқанына байланысты Ла Лиганың рейтингте ұпайы артып, ресми түрде Чемпиондар лигасының келер маусымына бес клубы қатысатын болды.

Осыған дейін қарт құрлықтың басты доп додасына берілетін қосымша жолдаманы Англия иеленген еді. Ал Италия, Германия, Франция клубтары бұл мүмкіндіктен қағылды.

1. Англия – 26.319
2. Испания – 23.034
3. Италия – 21.125
4. Германия – 18.421
5. Франция – 16.999.

Еске салсақ, биылғы Ла Лига маусымының турнир кестесіндегі алғашқы бес орынға «Барселона», «Реал», «Атлетико», «Атлетик» және «Вильярреал» клубтары жайғасқан.