ҚПЛ: «Тобыл» «Ақтөбенің» осал тұсын тапты

Бүгін футболдан Премьер-лига командалары арасындағы Қазақстан чемпионатының бесінші турында қостанайлық «Тобыл» өз алаңында «Ақтөбені» сүріндірді.

Командалар турнир кестесінде қатарлас келеді. Алғашқы төрт турда он ұпай жинаған «Ақтөбе» үздік үштікте тұрған еді. Ал «Тобыл» сегіз ұпай жинап, төртінші орынға табан тіреді.

Бүгінгі ойын барысында қостанайлық команда жеңіске жету жолын іздеді. Десе де бірінші кезең соңына дейін таблодағы есепке өзгеріс енген жоқ. 

Қостанайлық клубтан Марко Вукчевич 45-минутта есеп ашса, одан кейін Ислам Чесноков 78, Виктор Брага 93-минутта есепті үстемелей түсті.

Осылайша «Тобыл» қарсыласынан 3:0 есебімен басым түсті.

Аталған жеңістен кейін 11 ұпай жинаған «Тобыл» екінші орынға көтерілсе, «Ақтөбе» үшінші орнын сақтап қалды.