ҚФФ: «Жетісу» тарапынан «Ордабасымен» ойыннан кейін шағым келіп түскен жоқ

«Жетісу» командасы тарапынан «Ордабасымен» өткеннен ойыннан кейін ресми шағым келіп түскен жоқ.

Бұл жөнінде Қазақстан футбол федерациясының кеңесшісі Нұрсұлтан Құрман өзіінң телеграм әлеуметтік желісініндегі «Кеңесші» парақшасында мәлім етті. 

- «Жетісу» футбол клубының бас бапкері Самат Смақов Қазақстан чемпионатының бесінші турында төрешілердің жұмысына қатысты наразылық білдірді. Алайда, клуб тарапынан ресми шағым келіп түскен жоқ, - деді ол.

Сондай-ақ ол осы жағдайға байланысты Қазақстан футбол федерациясының Төрешілер департаментінің жаңа жетекшісі Нуну Алешандре Паррейра де Каштру «Жетісу» командасының бас бапкерімен Zoom арқылы байланысқа шығатынын айтты.

 - Аталған матчтағы төрешілердің қабылдаған шешімдерін түсіндіріп береді. Кәбірұлына да өз шағымдарын негіздеп беруге де мүмкіндік болады. Самат Қәбірұлы - ел футболында үлкен құрметке ие тұлға. Естеріңізге сала кетсем, бас бапкер резервті төрешіге бейәдеп сөздер айтқаны үшін қызыл қағаз алып алаңнан

қуылды. Сонымен қатар, Самат Смақовтың ойындағы әрекеттері ҚФФ Тәртіптік-бақылау комитетінің қарауына жіберіледі. Барлық тараппен жеке сөйлесіп шықтым. Дүйсенбіге дейін жоғарыда жазған қадамдар жасалады, - деді Нұрсұлтан Құрман. 

Айта кетсек, Самат Смаков кездесу барысында төрешілердің жөнсіз әрекетін сынға алған еді. 

- Мұндай келеңсіз жағдайдан қазақ футболы дамымайды. Қандай әлем чемпионаты, қандай Еуропа чемпионаты? Мынадай жағдайлар болып жатқанда біз оларға шыға алмаймыз, - деді Самат Смаков.