Испания кубогының финалы: «Барселона» - «Реал» матчы нешеде өтеді?

26-нан 27 сәуірге қараған түні «Барселона» мен мадридтік «Реал» Испания Кубогының финалында кездеседі, — деп хабарлайды Sport12.kz.

Финалдық матч Севилья қаласындағы Олимпиадалық стадионда өтеді. Ойын Қазақстан уақытымен 01:00-де басталады.

Биылғы маусымда «Барселона» Испания Кубогының финалына дейін «Барбастроны» (4:0), «Бетисті» (5:1), «Валенсияны» (5:0) және «Атлетико Мадридті» (екі матчтың қорытындысы бойынша 5:4) жеңіп жетсе, «Реал» өз жолында «Депортиво Минеруді» (5:0), «Сельтаны» (қосымша уақытта 5:2), «Леганесті» (3:2) және «Реал Сосьедадты» (екі ойын нәтижесінде 5:4) тізе бүктірді.

Екі алып команданың соңғы кездесуі қаңтар айында Испания Суперкубогының финалында өткен болатын. Ол ойында «Барселона» қарсыласын ірі есеппен — 5:2 есебімен жеңген еді.