«Атыраудың» бұрынғы ойыншысы Қазақстан футболындағы келеңсіздікті айтты

«Атыраудың» бұрынғы футболшысы Джоэль Каямба Meta-ratings.kz берген сұхбатында қазақстандық футболдағы инфрақұрылымнан алған әсерлерімен бөлісті, деп хабарлайды Sport12.kz.

«Қазақстанда тек 4-5 команданың нақты базасы бар: Олардың қатарында «Қайрат», «Ақтөбе», «Астана», «Ордабасы» кулбатын айтуға болады. Қалғанында жағдай сын көтермейді, олар синтетикада да жаттығады. «Атырауда» жағдай да жақсы болған жоқ, бірақ Қазақстанда шындықты аз адамдар қабылдайды. Адамдар сынға шыдай алмайды. Егер сіз бірдеңе айтсаңыз, онда сізде проблемалар туындауы мүмкін. Десе де бұл елде еуропалық деңгейге жету үшін ақша мен барлық қажетті ресурс бар. Бұл бағытта нақты нәтижеге жету керек. Францияның үшінші дивизионындағы жағдай ол жақтағыдан әлдеқайда өркениетті», - деді Каямба.

Айта кетсек, ол 2024 жылы КПЛ-ге келгенге дейін Чехияның «Виктория», сондай-ақ түріктің «Самсунспор» және «Болуспор» командаларында ойнады. Ал «Атырау» үшін 27 кездесуде африкалық шабуылшы 5 нәтижелі пас берді.