Милич Чурчич: Ресей, Беларусь және Қазақстан арасындағы ортақ чемпионат болғанын қалаймын

«Қызылжар» футбол клубының бас бапкері Милич Чурчич Ресей, Беларусь және Қазақстан командалары қатысатын ортақ футбол чемпионатын құру идеясын оң бағалап, бұл ұсыныстың іске асуына қаржы негізгі кедергі екенін айтты, деп хабарлайды Sport12.kz

— Мен бұл идеяны өте жақсы деп есептеймін. Әртүрлі командалар мен футболшылар қатысқан сайын, жарыс та қызықты әрі бәсекелі бола түседі. Бірақ мұндай турнирге қатысу үшін барлық командалардың жақсы стадиондары мен жеткілікті бюджеті болуы қажет. Әдеттегідей, мәселе қаржыға тіреледі. Дегенмен бұл тамаша бастама, егер дұрыс ұйымдастырылса, жүзеге асуы әбден мүмкін, — деді Чурчич.

Ортақ чемпионат құру идеясы соңғы жылдары талқыланып келе жатқанымен, әзірге нақты шешім қабылданған жоқ.