«Барселона» ойыншылары арасындағы талас: «Алтын допқа» басты үміткер кім?

Букмекерлер «Алтын допқа» басты үміткер ретінде 17 жастағы Ламин Ямальды санайды, деп хабарлайды Sport12.kz.

Кешегі «Интерге» (3:3) қарсы ойында шебер ойын көрсеткен 17 жастағы «Барселона» вингері Ламин Ямаль «Алтын доп» рейтингінде ұзақ уақыт көш бастап тұрған командасындағы басты бәсекелесі Рафиньяны артқа тастады.

Букмекерлердің нұсқасы бойынша 2025 жылғы «Алтын доп» марапатына басты үміткерлер:

1. Ламин Ямаль («Барселона») – 2.50
2. Рафинья («Барселона») – 3.25
3. Осман Дембеле (ПСЖ) – 5.00
4. Мұхаммед Салах («Ливерпуль») – 9.00
5. Педри («Барселона») – 10.00
6. Роберт Левандовски («Барселона») – 15.00
7. Лаутаро Мартинес («Интер») – 17.00
8. Деклан Райс («Арсенал») – 21.00
9. Джанлуиджи Доннарумма (ПСЖ) – 34.00
10. Хвича Кварацхелия (ПСЖ) – 51.00

Осыған дейін 17 жастағы испаниялық вингер «Барселона» жейдесіндегі 100-ші матчын өткізген болатын.