Юлен Лопетеги Қатар құрамасының тізгінін ұстады

Футболдан Қатар құрамасы бас бапкері қызметіне испаниялық маман Юлен Лопетеги келді, деп хабарлайды Sport12.kz.

Тәжірибелі маман бұған дейін Испанияның «Райо Валекано», «Реал», «Севилья», Португалияның «Порту» командаларын, сондай-ақ англиялық «Вест Хэмді» жаттықтырған.

Сондай-ақ, ол «Севильямен» Еуропа лигасының жеңімпазы болды. 

Қазірге дейін Катар құрамасын испаниялық тағы бір бапкер Луис Гарсия жаттықтырған еді. Бірақ ол әлем чемпионаты іріктеу кезеңінде Қырғызстан құрамасынан жеңілгеннен кейін қызметінен кетті.

Катар қазір әлем чемпионаты финалдық кезеңіне тікелей жолдама алу мүмкіндігінен айырылды. Бірақ Азия құрлығы бойынша әлем чемпионаты плей-офф сатысына шығуға үміткер болып отыр. Оған берілетін жолдамаға Қырғызстан құрамасы арасында талас жүріп жатыр. Қатарлықтар алдағы Иран немесе Өзбекстанмен ойынның бірінде жеңіске жетуі тиіс.