Артем Дзюба келесі маусымда қайда ойнайтынын анықтады

«Акрон» клубының шабуылшысы Артем Дзюбаның өкілі Леонид Гольдман футболшының болашағына қатысты пікір білдірді, деп хабарлады Sport12.kz

Қазіргі таңда 36 жастағы футболшының «Акронмен» жасалған келісімшарты 30 маусымда аяқталады. Гольдманның айтуынша, тараптар келісімді ұзарту жөнінде келіссөздер жүргізіп жатыр.

– Бұған дейін «Акрон» басшылығы айтқан ақпаратты растаймын. Артеммен келісімді ұзарту бойынша келіссөздер жүріп жатыр. Кеше ғана «Динамо» қарсы ойын алдында клубтың спорттық директоры Антон Чистяковпен кездестім. Әзірге нақты шешім жоқ. Бірақ маусым соңына дейін бәрі анық болады деп үміттенеміз. Ең алдымен, Артемнің өзі футболдағы мансабын жалғастыруға дайын екенін нақты шешіп алуы керек. Содан кейін ғана шарттар бойынша ортақ келісімге келеміз, – деді агент.

Оның айтуынша, Дзюбаға басқа клубтар тарапынан да қызығушылық бар, алайда «Акрон» басты басымдыққа ие команда болып тұр.

– Бізді «Акрондағы» жағдай толық қанағаттандырады. Қазір бәрі дұрыс жолмен жүріп жатыр. Клуб басшылығымен және бапкерлік штабпен қарым-қатынасымыз тамаша, – деді Леонид Гольдман.