«Қайрат» клубының бас бапкері маусым соңыңда қызметінен кетеді

Алматылық «Қайрат» футзал клубының бас бапкері Марлон Веласко 2024/2025 маусымының соңында командадан кететін болды, деп хабарлайды Sport12.kz

Бұған дейін испаниялық маманның кететіні жөнінде қауесеттер тараған еді. Ал бүгін клуб оның келісімшартын ұзартпайтыны ресми түрде белгілі болды. Келесі маусымнан бастап Веласко Испанияның «Viña Albali Valdepeñas» клубын баптайды.

Марлон Веласко «Қайратқа» 2023 жылдың жазында келді. Шамамен екі маусым ішінде ол команданы 2024 жылғы Қазақстан кубогы мен 2024/2025 маусымындағы Суперкубок жеңісіне жеткізді. Алайда өткен маусымда чемпиондық атақты иелене алмады. Веласко — кейінгі 20 жылда «Қайратты» баптаған бразилиялық емес алғашқы жаттықтырушы болды. Сонымен қатар, ол алматылық клубты 2021 жылдан бері алғаш рет Футзалдан Чемпиондар лигасының «Төрттік финалына» шығарып, турнирде күміс жүлде жеңіп алды.