Бүгін «Интер» мен «Барселона» ойнайды

 Бүгін, 6 мамырда UEFA Чемпиондар лигасы жартылай финалындағы қарымта ойындар басталады.

Бұл кездесуде «Интер» (Италия) мен «Барселона» (Испания) шеберлік байқасады, деп хабарлайды Sport12.kz.

Ойын Қазақстан уақытымен 23:50-де басталып, «Qazsport» телеарнасынан тікелей эфирде көрсетіледі.

Екі команда бұған дейін 11 мәрте кездесті. Оның 5-де испаниялық клуб басым түссе, тағы 4 мәрте тең түсін, қалғанында италиялық клуб үш ұпай олжалап кетті.

Ал «Интер» қатарында қорғаушы Бенжамен Павар мен жартылай қорғаушы Валентин Карбони жасыл алаңға шықпайды. 

«Барселона» сапында қорғаушы Жюль Кунде, Алекс Бальде, жартылай қорғаушы Марк Берналь, Марк Касадо, Пабло Торре жарақатына байланысты бүгін командасына көмектесе алмайды.

Еске салсақ, бұдан бұрын жартылай финалдағы алғашқы кездесуде екі команда 3:3 есебіне қанағат білдірді.

Сондай-ақ 7 мамырда «Пари Сен-Жермен» (Франция) мен «Арсенал» (Англия) жасыл алаңға шығады.

Финал 31 мамырда Германияның Мюнхен қаласындағы «Мюнхен арена» стадионында болады.