«Астана Ж» тағы да қарсыласын аямады: Екінші лиганың кезекті туры басталды

Солтүстік-Шығыс конференциясы

«Астана Ж» – «Жетісу Ж» – 8:1

Астаналық жастар өз конференциясында тағы да айқын фаворит екендігін дәлелдеді. Өткен маусымда 22 турдың қорытындысы бойынша, елордалықтар 50 гол соққан еді. Осы жолы астаналықтар небәрі 4 турдан соң, 26 гол соғып үлгерді. Өкінішке қарай, қорғанысы мықты талдықорғандар осы маусымда қарсыластардың екпініне тойтарыс бере алмай тұр.

«Алтай Ж» – «Жеңіс Ж» – 0:0

Ойын тең нәтижемен аяқталып, екі команда да бір-бір ұпаймен шектелді.

«Тобыл Ж» – «Ұлытау Ж» – 5:0

Қостанайлық жастар да өз алаңындағы артықшылықтарын толық пайдаланып, дебютанттардың тас-талқанын шығарды. Тоқтар Байдәулетов (11 минут), Бейбіт Ғалым (60 минут), Бекжан Баубек (65 минут – автогол), Евгений Коняшкин (90 минут) және Бекзат Сәбит (90+4 минут) қарсылас қақпасын дәл көздеді.

Оңтүстік-Батыс конференциясы

«Каспий Ж» – «Арыс» – 0:3

Қонақтар Еркебұлан Амангелді (35 минут), Тимур Қуантаев (42 минут) және Ибраһим Батырдың (88 минут) голдарының арқасында сенімді жеңіске жетті.

«Жас Қыран М» – «Тұран М» – 1:0

Кездесудің жалғыз голын Әмір Әліхан (44 минут) соқты. Бұл жеңіс «Жас Қыран» үшін маңызды үш ұпай сыйлады.