Магомед Адиев Қазақстан ұлттық құрамасын тізгіндеген сәтін еске алды

Қазақстан құрамасының экс бас бапкері Магомед Адиев «РБ Спорт» порталына берген сұхбатында ұлттық құрамамен атқарған жұмысын бағалап, болашақта қайта оралу ықтималдығы жайлы пікір білдірді, деп хабарлайды Sport12.kz.

— Қазір Қазақстан құрамасының ойындарын бақылап жүрсіз бе?

— Қазіргі уақытта жоқ. Себебі өз жұмысыммен толықтай айналысып жатырмын. Тіпті Ресей чемпионатының да көптеген матчтарын көре бермеймін.

— Сіздің уақытыңыз Қазақстан құрамасының соңғы жылдардағы ең сәтті кезеңі болды деуге бола ма?

— Нәтижелер өзі соны айтып тұр.

— Жалпы, Қазақстандағы жұмысыңызға көңіліңіз тола ма?

— Меніңше, жаман жұмыс істелген жоқ. Халық алғыс айтты. Бұл — бәрі дұрыс жасалғанының дәлелі. Себебі жанкүйер — атқарылған жұмыстың сапасын бағалайтын басты өлшем.

— Болашақта ұлттық құраманы қайта тізгіндеуіңіз мүмкін бе?

— Иә, бұл әбден мүмкін. Енді маған сәл жеңілірек болар еді. Өйткені құрамамен жұмыс істеу тәжірибесі бар. Бірақ қазір менің барлық ойым мен назарым — «Химки» клубының алдағы матчтарында. Қалғанын уақыт көрсетеді, — деді Адиев.