22 сағат бұрын
Дастан Сәтпаев кімді үлгі тұтатынын айтты
Қанат Байұзақов
«Қайраттың» 16 жастағы шабуылшысы Дастан Сәтпаев «Челсидің» жұлдыздары туралы пікір білдірді, деп хабарлайды Sport12.kz сайты Scout in Eurasia порталына сілтеме жасап.
«Челсидің» қай ойыншыларымен ойнағым келеді? Қазіргі таңда олардың құрамы өте мықты деп ойлаймын. Энцо Фернандес пен Коул Палмермен бірге алаңға шықсам, қуанышты болар едім. Бірақ ең алдымен Михаил Мудрикпен — ол әрдайым менің кумирлерімнің бірі болған, оның жылдамдығы мен техникасы керемет», — деді жас футболшы.
Еске салайық, Сәтпаев «Челси» сапына кәмелет жасына толған соң, яғни 2026 жылы жазда қосылады. Трансфер сомасы төрт миллион фунт стерлингті құрады.
