Эль-класиконың бас төрешісі кім?

Испания Ла лигасының 35-туры аясында өтетін «Барселона» мен «Реал» арасындағы орталық кездесуде жергілікті Алехандро Эрнандес Эрнандес бас төреші қызметін атқарады, деп хабарлайды Sport12.kz.

42 жастағы Эрнандес үшін бұл төрешілік мансабындағы бесінші эль-класико болмақ. Бұған дейін ол басқарған төрт кездесуде «Барселона» мен «Реал» бір-бір мәрте жеңіске жетіп, қалған екі матч тең есеппен аяқталған. Айта кетерлігі, Эрнандес соңғы рет қос ұжым арасындағы ойынды 2019 жылы жүргізген. Ол кездесуде есеп ашылмай, матч 0:0 есебімен тең аяқталған болатын.

Маусымдағы шешуші эль-класико 11 мамыр күні, сағат 19:15-те басталады. Тартысты кездесуді біздің LIVE SPORT 12 Telegram-арнамыздан тікелей эфирде тамашалай аласыздар.