Нұралы Әліптің командасы жеңіске жетті

Ресей Премьер-Лигасының 28-туры аясында Санкт-Петербургтің «Зениті» Махачкалада жергілікті «Динамоны» 1:0 есебімен жеңді, деп хабарлады Sport12.kz

Ойындағы жалғыз голды 37-минутта команда жартылай қорғаушысы Нино соқты.

Қазақстандық қорғаушы Нұралы Әліп бұл ойында қосалқы құрамда бастады. Ол тек 90-минутта алаңға шығып, кездесудің соңғы сәтін өткізді.

Бұл жеңістен кейін «Зенит» 60 ұпай жинап, турнир кестесінде көш бастап келе жатқан «Краснодарға» барынша жақындады. Қазір «Краснодардың» еншісінде 61 ұпай бар, алайда олар 28-тур аясындағы кездесуін әлі өткізген жоқ.