Қазақстандық футболшының клубы жоғарғы дивизионнан «ұшып» кетті

Қазақстан ұлттық құрамасының жартылай қорғаушысы Георгий Жуков доп тебетін «Пуща» футбол клубы Польша чемпионатының 32-туры аясында өз алаңында «Сталь Мелецтен» жеңілді, деп хабарлайды Sport12.kz.

Неполомице қаласындағы қалалық стадионда өткен кездесу 2:3 есебімен қонақ команданың пайдасына аяқталды.

Осылайша, чемпионаттың аяқталуына екі тур қалғанда «Пуща» ресми түрде Премьер-лигамен қош айтысты. Енді біріншіліктің қалған матчтарының бәрінде жеңіске жетсе де, Неполомиценің клубы қауіпті аймақтан шыға алмайды.

Айта кетейік, Георгий Жуков «Пуща» намысын осы жылдың ақпан айынан бері қорғап келеді. Осы аралықта отандасымыз польшалық клуб сапында 11 ойын өткізіп, нәтижелі әрекетімен көзге түсе алмады.