Ақмарал Науатбек Астанадағы әлем чемпионатында ширек финалда сүрінді

Астана қаласында өтіп жатқан пара дзюдодан әлем чемпионаты финалында J2 санаты бойынша Ақмарал Науатбек (52 келі) ширек финалда сүрінді, деп хабарлайды Sport12.kz.

Ол 1/4 финалда Қырғызстан өкілі Айбике Ұланбекқызымен белдесіп, ереже бұзғаны үшін жеңіс қарсыласқа берілді

Ақмарал Науатбек 1999 жылы дүниеге келген. 2024 жылы Паралимпиада ойындарында чемпион атанса, 2022 жылы әлем чемпионатында жеңіс тұғырынан көрінді.

Айта кетсек, бұдан бұрын әлем чемпионы Ерғали Шамей 1/8 финалдан аса алмады.

Әлем чемпионаты финалында J2 санаты бойынша 81 келіде қос қазақастандық балуан Ғалымжан Смағұлұлы мен Бексұлтан Құлмырза кездесетін болды.

Жаһандық додада 10 салмақта жүлде жиынтығы сарапқа салынады. Ерлер 70, 81, 95, 95 келіден жоғары салмақта белдессе, әйелдер 52, 60, 70, 70 келіден жоғары салмақта жүлдеге таласады.

Сондай-ақ, Халықаралық дзюдо федерациясы тәжірибе ретінде Олимпиада салмағына кірмейтін 2 салмақта (ерлерде 64, әйелдерде 46 келі) жүлде сарапқа салынады.