Бүгін футболдан Қазақстан кубогының ширек финал ойындары өтеді

Бүгін, 14 мамырда футболдан Қазақстан кубогының ширек финал ойындары өтеді, деп хабарлайды Sport12.kz.

Жарыстың аталған сатысында 18:00-де «Жеңіс» (Астана) пен «Астана», «Тұран» (Түркістан) мен «Тобыл» (Қостанай), 20:00-де «Ордабасы» (Шымкент) мен «Қайрат» (Алматы), «Қызылжар» (Петропавл) мен «Елімай» (Семей) командалары кездеседі.

Биыл Қазақстан кубогына Премьер-лига, бірінші және екінші лигадан барлығы 30 команда қатысты. Алдымен бірінші және екінші лига командалары алғашқы іріктеу кезеңін өткізді. Олардың арасынан іркілмей шыққан екі клуб 1/8 финалда Премьер-лига командалары қатарына қосылды.

Жеңімпаз 2026 жылы Конференция лигасының екінші іріктеу кезеңіне жолдама алады.

Айта кетесек, 2024 жылы «Ақтөбе» Қазақстан кубогының иегері атанды.

Финал биыл Қызылорданың жаңа стадионында өткізіледі деп жоспарланып отыр.