«Атырау» бас бапкері атануға үміткер маман белгілі болды

«Атырау» футбол клубының бас директоры Дидар Сыдықбек команданың бас бапкері қызметіне үміткер ретінде жақында «Ертістен» кеткен Қайрат Нұрдәулетовты көреді, деп хабарлайды Sport12.kz.

– Бас бапкер атануға үміткер маман – қазір клубсыз жүрген Қайрат Нұрдәулетов. Біз оны жақсы танимыз, құрметтейміз. Нұрдәулетов – аңыз адам. Тағы бірқатар кандидат бар. Барлығы алда күтіп тұрған екі матчтан кейін белгілі болады. Егер жеңісті жолға түсіп алсақ, кез-келген адам біздің ұжымға қосылуға келіседі, – деді Дидар Сыдықбек «Спорт-Пульс» Youtube-арнасына берген сұхбатында.

Айта кетейік, «Атырау» футбол клубы 21 сәуір күні бас бапкер Константин Горовенкомен келісімшартын бұзған еді.