Андрей Карпович «Елімай» бас бапкері қызметінен кеткен жоқ

«Елімай» футбол командасы бас бапкер Андрей Карповичтің қызметінен кетуі жөніндегі ақпараттың шындыққа сай келмейтінін мәлім етті, деп хабарлайды Sport12.kz.

Бұл жөнінде команданың баспасөз қызмеі мәлім етті.

- Бүгін қазақстандық бұқаралық ақпарат құралдарының бірқатарында «Елімай» футбол клубының бас бапкерінің ауысуына қатысты шындыққа сәйкес келмейтін ақпараттар таралуда. Осыған байланысты ресми түрде мәлімдейміз: клуб қолданыстағы келісімшарттарға сәйкес қалыпты режимде жұмысын жалғастыруда. Жанкүйерлер мен бұқаралық ақпарат құралдарын тек ресми дереккөздерге сүйенуге шақырамыз, деп жазылған хабарламада.

Андрей Карпович - «Елімайдың» түлегі. Ол 1998-2000 жылдары семейлік клубтың намысын қорғап, ел чемпионы атанды.

Одан бұрын ол «Қайратта» бас бапкердің міндетін атқарушы, «Оқжетпес» пен «Қызылжарда» бас бапкер болды.

Сондай-ақ, 2022 жылы ел құрамасының Молдоваға қарсы екі ойынында бас бапкер міндетін атқарды.

Андрей Карпович футболшылық мансабында 1998-2016 жылдар аралығында еліміздің бірқатар клубы мен Ресейдің «Ростов», «Динамо» командаларының жейдесін киді.

Ол семейлік клубтың тізгінін 2023 жылдың қараша айында ұстаған еді. 

Біздің серіктес: 200 000 фрибетті ұтысқа саламыз – арнаға жазыл және батырманы бас