7 сағат бұрын
«Барселона» – 2024/25 жылғы Испания чемпионы
Азамат Бақи
Фото: Quality Sport Images / Contributor / Getty Images
«Барселона» футбол клубы Ла Лиганың 36-туры аясында «Эспаньолды» жеңіп, мерзімінен бұрын Испания чемпионы атанды, деп хабарлайды Sport12.kz.
«Корнелья‑Эль Прат» стадионында өткен каталондық дерби 2:0 есебімен «Барселонаның» пайдасына аяқталды. «Блауграна» сапында Фермин Лопес пен Ламин Ямаль гол соғып, көзге түсті.
Осылайша Ханси Флик шәкірттері чемпионаттың аяқталуына 2 тур қалғанда 85 ұпаймен чемпиондықтың тағдырын шешіп тастады.
Турнир кестесінде екінші орында келе жатқан мадридтік «Реалдың» еншісінде 78 ұпай бар.
Айта кетейік, бұл – «Барселона» тарихындағы 28-ші чемпиондық атақ.
